近來小夢愛上左自家製果醬呀~^^.....
用左幾日時間去研究....發覺真係好易整....
而且仲可以完全無添加....相比起超市買果d....有化學成份...又有防腐劑.....
而且用既水果....分分鐘係質素好差....完全唔新鮮...
所以講真果句....小夢係好怕食現成果jam嫁....
每次塗麵包....都只會塗花生醬或者牛油....
到左今日....小夢終於都成功用新鮮既士多啤梨....做出自己真正鐘意食既果醬啦~
真係好有成功感....因為食落完全無人造化學味....成份純正無添加嘛....
原來外國家庭一直都有homemade果醬既傳統.....我都要自己做....
我今次係用左母親節蛋糕用剩既士多啤梨黎做....岩岩好一樽....嘻嘻~*

樽係十蚊店買既....非常適合放果醬....記得要選闊樽口~*

打開黎睇下.....哇....都幾似樣bo.....紅卜卜好靚~*

(閱讀全文)

今次小夢終於都學整呢一個好出名既甜品啦~~~朱古力木糠布甸
呢個木糠布甸係我留意左好耐既食譜....不過因為佢既主要成份係淡忌廉...
所以我成日都以為....呢個甜品既味道應該好普通既姐....
應該都無咩野特別......所以都放到好後先去試下做.....
點知道~~~~~哇~~~~~原來個味道完全唔係我想像中咁普通嫁....
原來係非常好味....而且係一個好好好特別既組合....
第一....原來餅碎雪完左之後....竟然意外地變得似蛋糕既感覺....口感good~
第二....淡忌廉部分.....唔會好甜....感覺好香....而且雪完之後....變得實左...口感一流...
梅花間竹的鋪入....結果出來既感覺係好豐富....一d都唔漏....仲好易入口...
真係好想知道木糠布甸既原創者係邊個....
因為真係好有創意地將咁多咁普通既材料放埋一齊之後....
意外地充滿化學反應....由平凡變得不平凡.....我愛上左....木糠布甸~*
今次我係參考miss jubie blog做既....雖然坊間好多食譜....我都係鐘意跟佢做呀~*

(閱讀全文)

今次又一美味甜品....係由miss jubie既blog度見到嫁~~
我一見到已經想整啦....做左出來既味道真係唔錯嫁....
材料仲係好健康....綠茶同埋豆腐既營養價值都好高嫁....又唔太甜....
我媽媽食完大讚呀....話個味好特別....仲唔太甜....岩哂怕甜既媽咪豬.....
賣相仲好high tim.....十足十日式餐廳既dinner set既甜品咁款...kaka~
本來想加紅豆蓉上面....不過又買唔到紅豆罐頭....所以就好似悶左d....
做完既時候...大家一定要放涼哂先好入雪櫃呀....
如果唔係....就會好似我上面咁樣....鄒左皮=0=....
係度多謝miss jubie既食譜....佢真係好叻嫁....小夢愛上左佢個blog~*

(閱讀全文)

各位blog友你好....今次係甜夢窩新型像改革既第一章呀.....
以後小夢會執過d相....用一個新既方式去貼圖....希望大家會鐘意啦....^^
我亦會慢慢將d舊post逐一大翻新....會將圖片都加入本站logo....
希望大家喜歡啦~*

炎炎夏日...小夢熱愛做甜品....
今次介紹既係又一款甜品 <<芒果鮮奶酪>>....
係一款做法又簡單...又有營養既甜品....
岩哂小朋友食嫁....希望大家會鐘意...^^
食譜參考自為食貓.....生果可以隨意落其他....自由度非常大嫁~*

(閱讀全文)

繼上一次既情迷芒果系列之後......今次又再加碼.....
今次我決定做我最鐘意食既香滑芒果布甸....
因為大家都係香港人呀....時間已經唔夠用....
所以我都特別鐘意整一d又快捷又好味既野食.....
希望大家鐘意~*

今次我搵既食譜....味道同質感都唔錯....方法亦都有為生雞蛋做消毒.....
而且仲要係超方便既....大家一定要試下呀~*

先黎個party裝....大大個.....正~*

(閱讀全文)

(閱讀全文)

其實小夢一早係前一排....已經執齊哂所有搓芝麻湯圓既材料嫁啦...
準備打算搓湯圓比老公豬食..
跟住我又諗下諗下....覺得搓湯圓幾好玩呀....可以搵埋老公一齊做.....
所以就搵左一個星期日下午....兩個人就自己第一次搓湯圓~*

我係吉之島買左日本黃豆粉...一早已經想試下整擂沙湯圓....
結果兩樣都有做....原來自己搓既湯圓....比起超市買果d急涷湯圓好食好多嫁~*

睇下幾靚...無一粒有漏餡嫁....靚過出面街買果d啦....
芝麻餡仲會自己流出黎tim....睇見都想食lor....呵呵....
下面就係擂沙湯圓....只要將湯圓煮熟後....放落黃豆粉上碌勻就可以~*

好啦....開始做湯圓啦wor~*

(閱讀全文)

今日我先做情人節朱古力比我個honey呀.....^^~
因為之前我地情人節去左梅窩玩....所以唯有之後補送~*

因為之前有朋友問過我點樣做朱古力....
所以我今次都影左相比大家睇....希望大家會鐘意~*

下面就係全家幅啦....係唔係好令令呢~^^~*

首先要將朱古力切碎....記得唔洗買好貴既....因為要調溫既話就好煩...
大家需要斜角切....好似我下面咁樣~*

跟住將朱古力碎....隔水坐入60度既溫水裡....不停攪拌....就可以輕鬆溶解...
切記其間唔好入水...or水氣...亦唔可以用火直接加熱~*

(閱讀全文)

(閱讀全文)

今日好開心....因為我做呢一個甜品成功左啦...蓮蓉 / 紅豆椰汁西米焗布甸~*
因為上次做既時候...唔知點解唔夠實....焗完出來好似稀稀咁...
跟住我唔放棄...一於再接再厲...死唔信會咁難做....
終於比我好成功焗得好靚....仲好好食....我妹豬都食左兩個....
老公食左三個....我又食左兩個....無哂....唔夠喉...好正呀...下次再做多次...正~*
我真係好愛呢個甜品嫁...
以前我細個同屋企人去酒樓....都成日想走去搵架甜品車...
一見到架甜品車....即刻會撲埋去....望一大輪...勢必要搵到想食既野...
呢一個熱布甸就係我既最愛之一啦....
不過成日都無哂...而我又咀叼....唔會食果d普通既o者喱糖咁樣....
一係就唔食....所以我要求好高嫁....好難搵到我真正鐘意食既野~*

完成品係唔係超perfect呢~?

焗椰汁西米布甸 

(閱讀全文)

好好玩嫁....碌到佢成個波波咁就得....

(閱讀全文)

食譜來源：美好廚房

材料：(2 個小碗份量)

• 燕麥片 4 湯匙
• 鮮奶 236ml
• 糖 1 湯匙
• 雞蛋 1 隻

做法：

1. 雞蛋打勻，加入一半鮮奶拌勻
   
2. 另一半鮮奶倒於小鍋中，慢火加熱，加入糖拌勻至溶
   
3. 倒入雞蛋奶中拌勻，過篩，倒入小碗中
   
4. 每碗放入 2 湯匙燕麥片，中火蒸 15-20 分鐘，即成

椰汁紅豆榚

材料:
罐頭紅豆 1.5 杯 (不加糖計)   
水 2 杯
椰汁 1/2 杯
砂糖 1/2 杯 (份量可隨個人喜好加減)
花奶或鮮奶 1/3 杯   (我用左鮮奶)
粟粉 5 湯匙
魚膠粉 2 湯匙

做法:
1) 粟粉加清水半杯拌勻成粟粉漿，備用
2) 鮮奶、椰汁及紅豆蓉拌勻成紅豆奶，備用
3) 剩餘水 1.5 杯，加入魚膠粉、糖放入小鍋中拌勻，慢火加熱，逐少倒入粟粉漿，不停攪拌至滾 (會愈來愈杰)，離火
4) 迅速地加入紅豆奶攪勻，再倒入已濕凍水的糕盆內，入雪柜冷藏至凝固，即成

下面我用左佳能保鮮盒...我覺得會比較易脫模嫁....
味道好香....紅豆好岩味....正過酒樓食果d多多聲呀

桂花榚

我加左花奶好食好多嫁...^_^

我買左半打甩底既jelly杯....所以係一開個底....就會跌出黎嫁啦....非常方便同完整嫁